Враќањето на работа по подолга пауза знае да биде емотивно и полно со контрадикторни чувства. Многу родители истовремено чувствуваат и тага затоа што го оставаат зад себе секојдневното време поминато со децата, и возбудување поради враќањето во светот на возрасните во простор каде што повторно можат да ги изразат своите амбиции и креативност. Иако враќањето може да изгледа како голем чекор, со малку подготовка и силна поддршка, новата рутина може да стане извор на рамнотежа и самодоверба. Еве неколку совети како да го направите тој премин полесен и за вас, и за вашето семејство.
Враќање на работа по подолга пауза: како да си олесните
1. Направете план и поделете ги обврските
Ако за време на паузата вие бевте „менаџер на домаќинството“, сега е вистински момент повторно да се дефинира распределбата на обврските. Сè што претходно функционирало од набавка и подготовка на оброци до перење алишта и грижа за децата мора да се вклопи во новиот распоред.
Разговарајте со партнерот и реално проценете:
- Кој може да ги преземе кои задачи
- Кои обврски можат да се поедностават
- Што може да се довери на други
Вклучете ги и децата во помали задачи тоа не само што ве растоварува, туку и ги учи нив на одговорност.
2. Очекувајте го неочекуваното
Без разлика колку планот е прецизен, непредвидени ситуации се неизбежни, особено со мали деца. Боледувања, итни повици од градинка, технички проблеми или ненадејни состаноци – сето тоа станува дел од секојдневието.
Затоа вреди однапред да проверите:
- Опции за флексибилна работа
- Можности за слободни денови и нивна употреба
- Поддршка во случај на ненадејни отсуства
План Б (а понекогаш и Ц) знае да биде најважниот дел од секој план.
3. Потпрете се на вашиот круг на поддршка
Ако чувствувате дека сè станува премногу, не двоумете се да побарате помош. Тоа може да биде:
- Баба која повремено ќе ги преземе обврските околу децата
- Пријател кој ќе „ускокне“ кога доцните
- Комшија со кој можете да се договорите за заеднички превоз на децата
Во првите недели не стремете се кон совршенство. Доволно е да го поминете денот со насмевка. Гответе едноставно, планирајте однапред и намалете ги очекувањата. Рутината постепено ќе се воспостави.
4. Променете ја перспективата
Враќањето на работа не е крај на една фаза, тоа е почеток на нова. Наместо да се фокусирате на тоа што го оставате зад себе, погледнете на овој период како на можност да го обновите делот од вашиот идентитет кој можеби бил во втор план.
Работата не мора да значи оддалечување од семејството. Напротив, може да донесе нова енергија, идеи и рамнотежа што им користи на сите.
5. Поставете реални очекувања
Секој нов почеток носи предизвици. Не очекувајте сè да биде совршено од самиот старт. Ќе има денови кога работата и домот ќе изгледаат како два света во судир. И тоа е во ред.
Важно е да бидете трпеливи со себе. Ако ви недостига енергија или ентузијазам, сетете се дека и тоа е дел од процесот на прилагодување. Никој не мора да биде совршен доволно е да бидете присутни и посветени.
6. Негувајте го односот со партнерот
Кога се менува сè вашиот распоред, обврски, динамиката тогаш и односот со партнерот заслужува дополнително внимание. Обидете се секој ден да пронајдете неколку минути за искрен разговор за тоа како се чувствувате и што ви треба.
Тоа не мора да биде класична „дејт-вечер“. Понекогаш малите нешта се доволни:
- Заедничка шолја чај
- Кратка прошетка
- Гледање омилена серија пред спиење
Важно е да не заборавите дека сте тим.
7. Не го потценувајте сето она што веќе сте го постигнале
Грижата за деца, дом и семејство не е „пауза“, туку најинтензивната форма на работа која постои. За време на тој период развивте:
- Организациски вештини
- Емоционална интелигенција
- Трпение
- Сила
Сите тие способности се драгоцени и во деловниот свет. Вклучете ги во вашиот нов професионален идентитет и гордејте се со сето она што веќе сте го постигнале.
Враќањето е нов почеток, не крај
Враќањето на работа по пауза не е само професионален чекор тоа е и личен развој. Потребно е малку трпение, флексибилност и верба во сопствените способности.
Зашто, ако успешно сте ги поминале ноќите без сон, непредвидливите денови и бескрајните листи на задачи верувајте, подготвени сте за секој предизвик што работниот свет може да го донесе.
Извор: easylife.rs
